Febrúar!

Það er loksins kominn febrúar! Það er klárlega besti mánuðurinn því þann  16.feb er bolludagurinn, þann 17.feb er sprengidagurinn, 18.feb er öskudagurinn og afmælið mitt.

Ég á semsagt afmæli 18.febrúar og verð 23ára. Ég hef alltaf verið mikið afmælisbarn og ólst upp við það að vera í fallegum kjól á afmælinu mínu, fá köku með kertum og stóra veislu. Filipseyingar kunna sko að halda uppá afmæli enda eru afmælisveislurnar hjá börnunum þeirra liggur við einsog fermingarveisla. Dýrindis matur og góður félagsskapur. Hef ákveðið að hafa smá teiti hjá mér og hef nú þegar boðið nokkrum vel völdum skvísum, gott að hafa góðan fyrirvara! Skipulagningar fríkið ég er löngu byrjuð að vinna í hlutum fyrir veisluna. Hef einnig gaman af því að búa til óskalista við allskonar tilefni eins og þið hafið kanski tekið eftir þannig ég ákvað að gera einn slíkan fyrir þá sem ættu kanski í vandræðum með að finna eitthvað handa mér hoho. Auðvitað er maður þakklátur fyrir ekkert eða eitthvað, en bara gaman að fá eitthvað sem manni langar raunverulega í :)

1. OLUNDA mynd 30x30 cm fiðrildi - IKEA 1950kr. 2. Luns skrif-/segultafla 48x71 cm svart - Ikea 3890kr. 3. Blanda Blank skál 36cm ryðrítt stál - Ikea 1990kr. 4. Lee Stafford My Squeaky Clean Paddle Brush - Hagkaup 1569kr. 5. Berry Delight - Indiska ca800kr. 6. Sedlig salatáhöld, 2 hlutir 29cm ryðfrítt stál - Ikea 2450kr. 7. Cherry Lip Liner - MAC 4990kr. 8. Garnera tveggja hæða bakki, hvítt - Ikea 2950kr. 9. Loréal Latex Effect - Hagkaup 979kr. 10. Maybelline master precise liquid liner - Hagkaup 1959kr. 11. Iittala Mariskál 15cm Fölbleik - Líf&List 8900kr. 12. Iittala Mariskál 15cm Frost - Líf&List 7900kr. 13. Diva Lipstick - MAC 4790kr

Þann 22.febrúar verða komin sex ár síðan ég missti móður mína aðeins 17ára. Tíminn er svo fáránlega fljótur að líða! Sakna hennar alveg gífurlega, hláturinn hennar, filipínska matinn (sem ég kann því miður ekki að elda), jákvæðnina hennar og bara að geta faðmað hana. Hugsa til elsku mömmu daglega.

-hannaleam.

Æðisleg hátíð

Laugardaginn 31.janúar var Japanska hátíðin haldin í ellefta skipti í Háskóla Íslands. Sendiráð Japans og nemendur við japönsku brautina í HÍ skipuleggja hátíðina í sameiningu. Ótrúlega góð skemmtun sem nemendur skólans leggja sig mikið fram við að gera. Það var (og hefur held ég alltaf verið) ókeypis aðgangur. Gestum var boðið upp á að upplifa japanska menningu af ýmsum toga. Hægt var að smakka japanskan mat (sushi, eins mikið og þú vildir!), læra að skrifa nafnið sitt á japönsku og margt fleira. Er svo ánægð að hafa komist á hátíðina í ár, langar að hafa það sem svona hefð að fara alltaf en hef annars farið held ég þrisvar. Einn af mínum stærstu draumum er að ferðast til Japans. Það er eitthvað við menninguna hjá þeim sem heillar mig gífurlega, svo er ég líka mikill anime aðdáendi þannig það væri ægilega gaman að upplifa Japan&menninguna "for real" í staðinn fyrir að horfa á það í tölvunni.

Hérna eru nokkrar myndir frá hátíðinni:

Allskonar bæklingar um Japan

Það var hægt að prófa kimono

Flott plaköt um japanskan mat

Held ég væri orðin glorhungruð þegar þetta væri loksins orðið fullkomið hjá mér..

Fallega vinkona mín! Og frítt sushi, omnom

Hellingur af fólki / Guðrún&Gútti með nafnið sitt ritað á japönsku

Hérna er svo myndband af tískusýningunni:

(Ég tók upp og klippti)

-hannaleam.

Japan Festival 2015

Var að klára tvær næturvaktir sem gengu bara vel. Í dag var sofið út, kíkt í bónus og fékk svo kvöld heimsókn frá yndislegri vinkonu sem kom með nammi, hoho.

 Verð aðeins að ræða um kurteisi og kommon sense, sumir kunna það bara ekki. Í fyrsta lagi setur maður þarna stikuna aftast þegar maður er búinn að raða öllu ofan á afgreiðsluborðið svo afgreiðslumaðurinn skilji hvað tilheyrir þér og í öðru lagi genguru frá kerrunni sem þú varst með! Gæjinn á undan mér setti ekki stiku og ég neitaði að setja hana niður fyrir hann þar sem ég komst ekki einu sinni að, hann var næstum búinn að borga fyrir klósettpappír og nautahakk fyrir mig. Svo hafði einhver á undan honum skilið eftir kerruna sína, ég horfi á hann horfa á kerrurnar og gefa svona "ahh fuck it" svip og labbar svo bara í burtu! Þarna stend ég með þriðju kerruna föst! Dauðþreytt eftir næturvaktir og að drepast úr flensu, ugh. Benti á gæjann og sagði við afgreiðlumanninn eða strákinn réttara sagt og sagði "Djös douchbag!". Bað hann svo um að hjálpa mér með kerrurnar því ég væri föst, hann hló bara og aðstoðaði mig. Þannig já.. sumir halda bara að þau séu "Palli einn í heiminum".

Hlakka svo til næstu helgi því þá er "Japan Festival" uppí HÍ. Reyni alltaf að fara og í ár gat ég skipt úr morgunvakt í kvöldvakt þannig ég kemst vúhú!! Hátíðin er frá 13 til 17 og ætla ég að vera mætt á slaginu. Held ég hef farið svona þrisvar og það er alltaf góð skemmtun. Finnst td. æði að fá nafnið mitt skrifað á japönsku, svo falleg skrautskrift. Endilega mætið og kynnist japanskri menningu.

-hannaleam.

Í tilefni hátíðarinnar langar mig að deila með ykkur japanskt lag sem var notað sem "opening song" í "Guilty Crown" (anime). Eitt besta "opening song" ever, að mínu mati. Mæli með þessum þáttum! -Supercell: My dearest.

Official music video:

Guilty Crown Op:

Helgin

Í gær vann ég morgunvakt, flýtti mér svo heim, tók til, þreif íbúðina, eldaði og tók svo á móti gestum. Gærkvöldið var mjög skemmtilegt, það var í minnsta kosti mikið hlegið. Spilaði BezzerWizzer í fyrsta skipti og fannst það fínt. Enduðum kvöldið á grilluðum samlokum og "Jumanji" sem er algjör klassík sem allir eiga að vera búnir að sjá, Robbie Williams uppá sitt besta og Kirsten Dunst ennþá lítil og saklaus. Í dag var svo kíkt í kolaportið en það var ekki mikið í boði, keypti bara eitt osso fínt hlunka hálsmen á 500kr, win. Skemmtileg helgi með yndislegu fólki, hvað meira er hægt að óska sér? Djók helling haha. Sorry aulahúmor er dösuð eftir helgina.

 

Vorum að klára að horfa á kvikmyndina "Lets be Cops" og shiii djöfull er hún góð! Ég og Sigvaldi grenjuðum úr hlátri og tónlistin er sko ekki af verri endanum, enda kveikti ég strax og tölvunni og náði í lögin sem ég fílaði. Er strax byrjuð að skipuleggja afmælið mit þótt það sé ekki fyrr en í næsta mánuði. Finnst bara svo næs að vera búin að öllu sem ég get gert strax, minna stress! Það er svo gott að vera skipulögð, ég td. skil ekki hvernig fólk kemst í gegnum lífið án þess að eiga dagbók! Eða skrifa í dagbókina í símann, ég skrifa allt niður eins og vaktirnar mínar, kaffihúsadeit, muna að hringja einhvert eða að ég eigi tíma hjá heimilislækni. Makes life a lot easier. Allavega er ég búin að redda smá skraut/glingri fyrir afmælischillið (eins og ég kalla það) og er að downloada lögum til að búa til playlist, svo er margt annað sem þarf að huga að eins og td. veitingar! En það er næs að hafa nóg tíma, það verður allt perfect fyrir afmælið hoho. Kv. ein sem finnst gaman að eiga afmæli.

-hannaleam.

Næturvaktir

Loksins er ég búin með næturvaktirnar þrjár sem ég vinn í hverjum mánuði, annars er ég samtals á sjö næturvöktum. Tvær, tvær og þrjár í einu. Ég las einhversstaðar rannsókn um áhrifin sem næturvaktir hafa á karlmenn og konur og í þeirri rannsókn kom í ljós að næturvaktir eru erfiðari fyrir konur. Nú man ég ekki alveg afhverju það var nema jú eitthvað afþví konur eru með meiri hormón í líkamanum. En annars er það nátla mismunandi eftir fólki, sumir geta unnið td. 3-5 næturvaktir í röð og finna ekki fyrir neinu, konur og karlar. Á netinu eru margar greinar um allskonar heilsu vandamál sem má rekja til þess að vinna næturvaktir. "Why You Shouldn’t Work at Night", "Can our bodies adapt to being night owls? " & "Night shifts spark cancer pay-out". Ég veit samt ekki hvort það sé verið að tala um bara næturvaktir eða vaktavinnu almennt, dagur, kvöld og nótt.

Næturvaktir fyrir mig geta verið allt í lagi en líður oftast eins og uppvakningi eftir þær. Alveg sama hversu mikið ég sef er ég alltaf jafn þreytt td. reyni að vakna snemma um morguninn (næturvakt byrjar kl hálf12) reyni svo að gera eitthvað yfir daginn svo ég verði þreytt um 16:00 leytið. Reyni að fara sofa á milli 17:00-19:00. Stundum sef ég bara í klukkutíma og ef ég er heppin sef ég í þrjá tíma. Fer á næturvaktina hálf 12 og vinn til 08:00, kem heim og sef oftast til svona 14:00, fer þá á fætur og reyni svo að sofa aftur í þrjá tíma um kvöldið. Og þótt að ég reyni að sofa og sofa eins og ég get er ég dauðþreytt! Ótrúlegt. Fæ líka hausverki og þarf stundum að taka verkjalyf því þeir eru það miklir. Einnig er stórhættulegt að keyra heim eftir vaktirnar, fyrir mig er þetta svona "Úps.. er komin uppí 100km" eða "Kaaantur!" haha þið skiljið.

Svo er ég nátla búin að vera að díla við veikindi síðan fyrir jól og það hjálpar ekkert í vaktavinnu, enda er ekkert mál að vinna vaktavinnu þegar maður er með 100% orku en ég hef verið í 80-90% undanfarið.

Vonandi þarf ég ekki að vinna næturvaktir í mörg ár til viðbótar.

-hannaleam.

13/01/15

Í gær áttum ég og Sigvaldi eins árs brúðkaupsafmæli. Við gerðum í rauninni ekkert sérstakt, elduðum kvöldmat saman (pasta með grænmeti, túnfisk, soðnum eggjum og hvítlauksbrauð mmmm) og horfðum á bíómyndina "John Wick" sem mér fannst drullu góð! Svona ekta hasar með gæja sem leitar af hefndum (algjör hasar fan). Náði líka inná FM957 og náði mér í 2bíómiða á myndina "The Wedding Ringer" með Kaley Cuoco (úr Big Bang Theory) & Kevin Hart (td. Ride Along), hlakka til að sjá hana með Sigvalda, ætla að passa mig að horfa ekki á trailerinn þar sem það skemmir eiginlega alltaf fyrir manni ef það er grínmynd.

Veikindin mín eru alveg eins. Er alltaf með 37,5 stiga hita og stundum fer hann uppí 38. Þessi hiti gerir mig alltaf svo þreytta.. Var í blóðprufu í gærmorgun og hitti lækninn á föstudaginn, vonandi fær hann eitthvað út úr þessum blóðprufum.

-hannaleam.

Gleðilegt nýtt ár!

Yfir hátíðarnar fluttum við hjónin nánast heim til tengdó þannig ég hef ekki verið með aðgang að netinu sem útskýrir bloggleysið. Jólin og áramótin hafa verið yndisleg, gæti ekki verið sáttari.

Loksins er ég komin aftur með snjallsíma þannig ég er orðin virk á snapchat og instagram, megið endilega adda mér ef þið hafið áhuga.

Snapchat: hannaleam / Instagram: hannaleam.

Er orðin svo leið á þessum endalausum veikindum, hósta eins og enginn sé morgundagurinn og er alltaf með nokkrar kommur. Það er mismunandi eftir hverjm og einum hversu mikinn hita þú þarft að vera með til að finna fyrir því. Ég td. er með nokkrar kommur en finn fyrir miklum hita í andliti, samt kalt, er utan við mig og slöpp. Æðiiislegt! Hringdi uppá heilsugæslustöð til að panta símatíma hjá lækninum mínum og hlakka til að heyra hvað kom út úr blóðprufunni, vonandi fæ ég einhver svör.  Ég hélt að ég yrði aldrei veik aftur eða svona semi eftir hálskirtlatökuna sem ég fór í 2013 og horrornum sem fylgdi eftir aðgerðina.

Ég tók mér ekki áramótaheit og hef ekki gert í nokkur ár, það er bara ávísun um vonbrigði haha. En vona að öllum öðrum sem tóku sér heit gangi vel.

Í augnablikinu er ég að taka til í tölvunni minni, semsagt taka allar bíómyndir og þætti og færa þá yfir á flakkara svo ég geti náð í ennþá meira efni. Er loksins í fríi á morgun þannig þá verður íbúðin tekin í gegn, elska þegar það er nýbúið að taka til. Líðanin er miklu betri í hreinu og fínu umhverfi.

-hannaleam.